【英女皇壽辰主角是誰？】
事頭婆生日慶祝活動，焦點其實係佢
英女皇有兩個生日，四月廿一係正日，但係官方慶祝活動今年係六月九號。原因係天氣問題。凡係天氣唔穩定季節出生嘅君主，大型慶祝活動都會改响夏天舉行。咁英王生日慶祝活動中，最歷史悠久嘅緊係禦林軍嘅步操”Trooping the Colour”。最有趣嘅係無論用咩角度，今年嘅焦點都唔係事頭婆。
正路嘅目光緊係投向話晒受歡迎程度直迫個靚靚嘅阿嫂，嗰位Duchess of Sussex。或者留意下William嗰兩個小王子同公主，又係得意同得意囉。英國皇室玩軟實力之叻，又點會咁簡單吖？混血美籍皇妃同小王子公主係唔夠嘅，呢啲極其量只係流於八卦層面。
英國呢個咁嘅「沒落」失敗帝國，又點能夠好似某啲強國咁出動三軍幾萬人咁威呢？要展現軟實力唔一定要拳頭大嘅，放响細節度可能效力更大。所以今日嘅真正焦點，落响呢位廿二歲嘅錫克教御林軍身上。一千個禦林軍裡面，佢係唯一亦係史上第一個唔洗戴黑色毛毛軍帽，而係用頭巾參與Trooping the Colour嘅御林軍。好似好簡單普通嘅事，加上新皇妃嘅國籍，大家覺得想表達啲咩呢？
#幾十年主角
#分散注意力
#極高嘅藝術
Search